- Auglýsing -
Lilja Ágústsdóttir og samherjar í Lugi fóru frábærlega af stað í átta liða úrslitum sænsku úrvalsdeildarinnar í handknattleik í kvöld. Lugi vann Kungälvs HK, 30:24, á heimavelli Kungälvs. Næsti leikur liðanna verður í Lundi á þriðjudaginn í næstu viku en vinna þarf þrjá leiki til þess að öðlast sæti í undanúrslitum.
Segja má að leikmenn Lugi hafi gefið tóninn strax í upphafi með kraftmiklum leik og góðri vörn. Strax eftir fyrri hálfleik var Lugi með fimm marka forskot, 15:10. Liðið gaf ekkert eftir í síðari hálfleik og fagnaði sex marka sigri og þar með náð öflugu frumkvæði í rimmunni.
Lilja skoraði ekki mark í leiknum. Systir hennar Ásdís Þóra er fjarverandi vegna krossbandsslits á síðasta ári.
Kungälvs og Lugi höfnuðu í fjórða og fimmta sæti úrvalsdeildarinnar með jafn mörg stig.
- Auglýsing -
