- Auglýsing -
- Auglýsing -
- Auglýsing -

Fram semur við Eið Rafn til þriggja ára

Hornamaðurinn efnilegi hjá Fram, Eiður Rafn Valsson. Mynd/Fram
- Auglýsing -

Einn hinna efnilegu handknattleikspilta hjá Fram sem hafa gert það gott á handknattleiksvellinum í vetur, Eiður Rafn Valsson, hefur skrifað undir þriggja ára samning við Fram.

Eiður Rafn, sem leikur í hægra horni, kemur úr yngri flokka starfi Fram og hefur átt fastan sess í meistaraflokki í vetur.

Eiður Rafn hefur skorað 40 mörk í Olísdeildinni í 18 leikjum og 82 mörk í 11 leikjum í Grill 66-deildinni þar sem ungmennalið Fram trónir á toppnum.

Einnig hefur Eiður Rafn leikið með yngri landsliðunum. Hann var m.a. með U19 ára landsliðinu á Evrópumótinu í Króatíu á síðasta sumri.

„Eiður Rafn er einn allra efnilegasti hornamaður landsins. Hann hefur tekið miklum framförum á liðnum árum, er duglegur og leggur mikið á sig fyrir liðsfélaga sína. Það verður virkilega gaman að fylgjast með honum í framtíðinni,“ er haft eftir Einari Jónssyni þjálfara karlaliðs Fram í tilkynningu í kvöld í tilefni af samningnum við Eið Rafn.

Staðan og næstu leikir í Olísdeildum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -