Ungmennalið Fram vann sannfærandi sigur á FH í Grill 66-deild kvenna í handknattleik í Kaplakrika í kvöld en keppni er komin á fulla ferð eftir áramótin í báðum Grill 66-deildunum.
Lokatölur í Kaplakrika voru, 29:22, fyrir Fram. FH var marki yfir í hálfleik, 14:13. Með sigrinum komst Fram upp í þriðja sæti deildarinnar, aðeins stigi á eftir Aftureldingu sem á reyndar leik til góða.
Framliðið var sterkara í síðari hálfleik. Liðið náði fljótlega yfirhöndinni og jók við forskot sitt jafnt og þétt allt til leiksloka.
Mörk FH: Hildur Guðjónsdóttir 10, Ivana Meincke 4, Telma Medos 3, Ragnhildur Edda Þórðardóttir 3, Aníta Björk Valgeirsdóttir 1, Thelma Dögg Einarsdóttir 1.
Varin skot: Selma Þóra Jóhannsdóttir 15.
Mörk Fram U.: Valgerður Arnalds 8, Sóldís Rós Ragnarsdóttir 7, Dagmar Guðrún Pálsdóttir 6, Daðey Ásta Hálfdánsdóttir 3, Íris Anna Gísladóttir 3, Arnbjörg Bertha Kristjánsdóttir 1, Sara Rún Gísladóttir 1.
Varin skot: Ingunn María Brynjarsdóttir 16.
Staðan og næstu leikir í Grill 66-deild kvenna.
