Ungmennalið Fram fagnaði sigri í 2. deild karla í handknattleik á föstudagskvöld eftir að hafa unnið ungmennalið Fjölnis, 35:31, í Dalhúsum. Framarar taka þar með sæti í Grill66-deild karla á næsta keppnistímabili en þeir féllu úr deildinni fyrir ári.
Framliðið hefur 23 stig eftir að hafa lokið 14 leikjum sínum í 2. deild.
Ungmennalið KA er fimm stigum á eftir en á eftir tvær viðureignir. Þótt KA vinni báða leiki tekst liðinu ekki að jafna metin við Framara.
Fram vann 11 leiki af 14, gerði eitt jafntefli og tapaði tveimur viðureignum.
Átta ungmennalið tóku þátt í 2. deildinni í vetur talsvert fleiri en keppnistímabilið 2020/2021.
Leikmenn Fram U keppnistímabilið 2021/2022:
Arnór Máni Daðason (m), Breki Hrafn Árnason (m) – Agnar Daði Einarsson, Arnþór Sævarsson, Aron Gauti Óskarsson, Aron Örn Heimisson, Axel Harry Thorsteinson, Daníel Stefán Reynisson, Daníel Stefánsson, Eiður Rafn Valsson, Elí Falkvard Traustason, Hrannar Máni Eyjólfsson, Ísak Ísfeld Einarsson, Kjartan Þór Júlíusson, Kristján Örn Stefánsson, Markús Páll Erlendsson, Reynir Þór Stefánsson, Róbert Árni Guðmundsson, Sigurður Bjarki Jónsson, Stefán Orri Arnalds, Tindur Ingólfsson, Veigar Már Harðarson, Viktor Steinn Sighvatsson, Þorvaldur Tryggvason.
Þjálfari er Haraldur Þorvarðarson.
