- Auglýsing -

Framlengir dvöl sína í herbúðum Valsara

Agnar Smári Jónsson hefur framlengt samning sinn við Val til tveggja ára. Mynd/Egill Bjarni Friðjónsson

Stórskyttan Agnar Smári Jónsson hefur framlengt samning sinn við Val um eitt ár eða út tímabilið 2022. Valur greinir frá þessum tíðindum í dag, daginn eftir að Agnar Smári fór á kostum og skoraði níu mörk í tíu skotum í fyrri viðureign Vals og KA í átta liða úrslitum Olísdeildarinnar í KA-heimilinu.

Agnar Smári er uppalinn Valsari og gegnir lykilhlutverki í Valsliðinu um þessar mundur. Hann var einmitt markahæsti leikmaður liðsins í fyrsta leik úrslitakeppninnar í ár. Agnar lék 17 leiki af 22 leikjum Vals í Olísdeildinni í haust, vetur og í vor og skoraði 59 mörk.

Agnar Smári kom til Vals 2018 eftir að hafa verið í herbúðum ÍBV um nokkurra ára skeið við góðan orðstír þar sem hann var m.a. lykilmaður í Íslandsmeistaratitlum ÍBV 2014 og 2018. Síðara árið vann ÍBV þrefalt auk þess að komast í undanúrslit í Áskorendakeppni Evrópu.

- Auglýsing -
- Auglýsing -

Nýjustu fréttir

- Auglýsing -