- Auglýsing -
Íslandsmeistarar Fram í handknattleik kvenna hafa orðið frekari blóðtöku. Línukonan efnilega Jónína Hlín Hansdóttir hefur ákveðið að söðla um og halda til náms í dýralækningum í Košice í Slóvakíu í vetur. Sagt er frá þessu á Faceobooksíðu Fram handbolta í kvöld.
Þar segir að gert sé ráð fyrir að námið taki um sex ár. Jónína stefnir á að æfa handknattleik yrta samhliða náminu. Hvernig þá skýrist þegar fram líða stundir.
Jónína Hlín var í Íslandsmeistaraliði Fram í vor. Hún lék hluta af síðasta keppnistímabili með Aftureldingu við afar góðan orðstír, jafnt sem línumaður og varnarmaður.
Áður hefur komið fram að Hildur Þorgeirsdóttir og Stella Sigurðardóttir eru hættar iðkun handknattleiks og Emma Olsson gekk til liðs við Dortmund. Auk þess ríkir óvissa um Ragnheiði Júlíusdóttur og Karen Knútsdóttur.
handbolti.is nýtur ekki opinbers rekstrarstuðnings.
- Auglýsing -
