- Auglýsing -
- Auglýsing -
- Auglýsing -

Frítt inn á landsleikinn – kvennalandsliðið tryggir sér farseðil á EM

Reiknað er með fjölda áhorfenda á leikinn við Færeyinga á Ásvöllum á morgun. Ljósmynd/Hafliði Breiðfjörð
- Auglýsing -

Frítt verður inn á landsleik Íslands og Færeyja í handknattleik kvenna sem fram fer á Ásvöllum í Hafnarfirði á morgun. Icelandair, eitt samstarfsfyrirtækja HSÍ býður landsmönnum og öðrum á leikinn en vitað er fjölmennur hópur Færeyinga hefur tekið stefnuna á Ásvelli. Leikurinn hefst klukkan 16.


Leikurinn er sá síðasti hjá báðum liðum í undankeppni Evrópumótsins og getur íslenska landsliðið gulltryggt þátttökurétt í lokakeppni EM síðar á þessu ári með sigri. Færeyingar geta líka, með hagstæðum úrslitum, náð sér í farseðil á EM kvenna í fyrsta sinn

Leikmenn íslenska landsliðsins fyrir leik við Svía á Ásvöllum í lok febrúar. Ljósmynd/Hafliði Breiðfjörð

Stelpurnar eiga það skilið

„Ég vona að við náum að fylla á Ásvelli og mynda frábæra stemningu. Stelpurnar okkar eiga það svo sannarlega skilið að fá myndarlegan stuðning og hvatningu. Þær ætla sér á EM og ég veit að þjóðin stendur fullkomlega á bak við þær,“ sagði Kjartan Vídó Ólafsson markaðsstjóri HSÍ í samtali við handbolta.is.

Mikil fjölskyldustemning

Frítt hefur verið á síðustu heimaleiki kvennalandsliðsins. Kjartan segir það vera hluta af samningi við nokkur samstarfsfyrirtæki HSÍ. Þetta tiltæki hafi heppnast vel í síðustu heimaleikjum eftir covid og aðsókn verið afar góð og farið vaxandi. Mikið sé um að fjölskyldufólk sem notið tækifærið og fari saman til að styðja við bakið á kvennalandsliðinu. Hefur það sett frábæran svip á umgjörð leikjanna.

Nokkuð á annnað þúsund áhorendur mættu á leik Íslands og Svíþjóðar í undankeppninni sem fram fór á Ásvöllum fyrir liðlega mánuði. Nú er komið að úrslitaleik í undankeppninni og þá reiknar Kjartan með aðsóknarmet á kvennalandsleik hér á landi verði slegið á Ásvöllum á morgun.

Landsliðið æfði á Ásvöllum í dag.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -