Fullt hús var í íþróttamiðstöðinni í Vestmannaeyjum í kvöld og gleðin skein úr hverju andliti þegar hinn árlegi stjörnuleikur í handbolta fór fram. Flest besta handknattleiksfólk Vestmannaeyja tók þátt í leiknum, utan vallar sem innan. Að vanda var ekkert gefið eftir þótt leikgleðin hafi fyrst og fremst verið við völd.
Magnús Stefánsson og Kári Kristján Kristjánsson stýrðu liðunum af festu eins og þeim einum er lagið.
Allur ágóði af leiknum rann í minningarsjóð Gunnars Karls Haraldssonar en allar upplýsingar um sjóðinn er að finna hér. Áfram er hægt er að leggja af mörkum í sjóðinn.
Stjörnuleikurinn hefur farið fram í Vestmannaeyjum ár hvert um árabil og er orðin fastur liður í jólaundirbúningi margra Eyjamanna, annað hvort að taka þátt eða bregða sér í íþróttamiðstöðina og vera á pöllunum og styrkja um leið gott málefni.
Leikurinn var í beinni útsendingu á ÍBV TV.
Margar myndir frá leiknum er að finna á Eyjar.net.
