Hildur Björnsdóttir, fyrirliði Íslandsmeistara Vals í handknattleik, hefur skrifað undir nýjan tveggja ára samning. Hildur kom til Vals frá Fylki fyrir sex árum og var einn fjögurra leikmanna Íslandsmeistara Valsliðsins 2023 sem einnig var í liði félagsins þegar Valur vann síðasta meistaratitilinn fyrir fjórum ár.
Hildur hefur verið ein af betri línukonum Olísdeildar kvenna undanfarin ár og lék sína fyrstu A-landsleiki eftir að hafa komið til Vals.
„Hún hefur verið burðarás á báðum endum vallarins í sigursælu Valsliði undanfarin ár og eru það gleðifréttir að hún muni áfram taka slaginn með liðinu,“ segir í tilkynningu handknattleiksdeildar Vals.
Hildur bætist í hóp nokkurra leikmanna Vals sem hafa endurnýjað samninga sína við Val á síðustu vikum.