Fyrrverandi markvörður Aftureldingar í handknattleik, Ungverjinn Oliver Kiss, dæmir viðureign Íslands og Tékklands í undankeppni EM í handknattleik á sunnudaginn. Kiss hóf fljótlega að dæma eftir að leikmannsferlinum lauk og hefur hann getið sér gott orð með flautuna og öðlaðist alþjóðleg réttindi dómara fyrir fáeinum árum og dæmt á stórmótum landsliða.
Með Kiss dæmir landi hans Adam Biro. Saman hafa þeir dæmt m.a. leiki í lokakeppni EM 2022 í Ungverjalandi og Slóvakíu auk þess að dæma nokkra leiki á HM í Svíþjóð og Póllandi í janúar sl.
Kiss var markvörður Aftureldingar í tvö keppnistímabil frá 2007 til 2009 og lék alls 30 leiki á tveimur tímabilinum. Fyrra tímabilið sem Kiss var hér á landi lék Afturelding í efstu deild en í næst efstu deild árið eftir.
Leikur Íslands og Tékklands í Laugardalshöll hefst klukkan 16 á sunnudaginn. Uppselt er orðið.
