- Auglýsing -
- Auglýsing -
- Auglýsing -

Fyrsti landsleikurinn – fyrsta markið, myndir

Tinna Sigurrós Traustadóttir fagnar fyrsta marki sínu fyrir A-landsliðið. Hún hefur ákveðið að ganga til liðs við Stjörnuna. Ljósmynd/Hafliði Breiðfjörð
- Auglýsing -

„Tilfinningin var góð, má ekki segja að þetta hafi verið draumabyrjun. Ég fékk tækifæri á að skora og nýtti það,“ sagði Selfyssingurinn Tinna Sigurrós Traustadóttir við handbolta.is eftir að hún hafði leikið sinn fyrsta A-landsleik í handknattleik og skorað fyrsta landsliðsmarkið.

Tinna Sigurrós á margra leiki að baki með yngri landsliðum Íslands en hefur ekki verið fyrr kölluð inn í A-landsliðið. Hún kom inn á leikvöllinn 12 mínútum fyrir leikslok og skoraði skömmu síðar fyrsta landsliðsmark sitt en sjá má aðdraganda þess hér fyrir neðan. (Smellið á myndirnar til að sjá þær stærri).

Kom ísköld inn á völlinn

„Ég kom eiginlega ísköld inn á völlinn og segja má að það hafi komið mér örlítið á óvart að fá tækifæri. Það var bara gaman að komast í snertingu við leikinn. Ég nýtti tækifærið eins og ég gat,“ sagði Tinna Sigurrós sem stendur á tvítugu og hefur verið ein burðarása öflugs liðs Selfoss sem hefur gjörsigrað keppnina í Grill 66-deildinni á tímabilinu.

Fleiri frá Selfossi

Stöllur Tinnu Sigurrrósar úr Selfossliðinu, Katla María Magnúsdóttir og Perla Ruth Albertsdóttir voru einnig í landsliðinu sem tapaði illa fyrir Svíum, 37:24, á Ásvöllum.

Íslenska landsliðið hélt til Svíþjóðar í morgun en síðari leikur þjóðanna í undankeppninni fer fram í Karlskrona á laugardaginn. Flautað verður til leiks klukkan 13.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -