Víkingur og Fjölnir mætast í úrslitum umspils um sæti í Olísdeild karla. Þetta varð ljóst í kvöld þegar bæði lið unnu andstæðinga sína, Kórdrengi og Þór, öðru sinni mjög örugglega. Fyrsti leikur Víkings og Fjölnis er ráðgerður á þriðjudaginn í næstu viku á heimavelli Víkings sem á heimavallarréttinn. Liðið sem fyrr vinnur þrjár viðureigni hreppir sæti í Olísdeild karla á næstu leiktíð.
Fjölnir lagði Þór í Íþróttahöllinni á Akureyri með fimm marka mun, 26:21, eftir að hafa verið með gott forskot frá því snemma í fyrri hálfleik.
Víkingar kjöldrógu Kórdrengi öðru sinni á nokkrum dögum. Að þessu sinni var 13 marka munur þegar upp var staðið, 32:19. Ellefu mörkum munaði í hálfleik, 17:6. Víkingur skoraði sjö fyrstu mörkin í leiknum. Eyþór Vestmann kom Kórdrengjum fyrst á blað á 13. mínútu.
Kórdregnir – Víkingur 19:32 (6:17).
Mörk Kórdrengja: Egidijus Mikalonis 5, Eyþór Vestmann 4, Hrannar Máni Gestsson 2, Viktor Orri Þorsteinsson 2, Stefan Mickael Sverrisson 2, Arne Karl Wehmeier 1, Gísli Hafþór Þórðarson 1, Jónas Bragi Hafsteinsson 1, Tómas Helgi Wehmeier 1.
Varin skot: Birkir Fannar Bragason 6, Viktor Bjarki Ómarsson 6.
Mörk Víkings: Marinó Gauti Gunnlaugsson 6, Igor Mrsulja 5, Gunnar Valdimar Johnsen 5, Arnar Gauti Grettisson 3, Halldór Ingi Óskarsson 2, Sigurður Páll Matthíasson 2, Benedikt Emil Aðalsteinsson 2, Agnar Ingi Rúnarsson 2, Halldór Ingi Jónasson 1, Jóhann Reynir Gunnlaugsson 1, Logi Ágústsson 1, Jón Hjálmarsson 1, Kristján Orri Jóhannsson 1.
Varin skot: Sverrir Andrésson 10, Hlynur Freyr Ómarsson 2.
Þór – Fjölnir 21:26 (7:13).
Mörk Þórs: Aron Hólm Kristjánsson 8, Andri Snær Jóhannsson 4, Jón Ólafur Þorsteinsson 2, Arnór Þorri Þorsteinsson 2, Jonn Rói Tórfinnsson 2, Arnþór Gylfi Finnsson 1, Halldór Kristinn Harðarson 1, Sævar Þór Stefánsson 1.
Varin skot: Kristján Páll Steinsson 9, Arnar Þór Fylkisson 6.
Mörk Fjölnis: Benedikt Marinó Herdísarson 5, Björgvin Páll Rúnarsson 4, Elvar Þór Ólafsson 4, Viktor Berg Grétarsson 3, Alex Máni Oddnýjarson 3, Óðinn Freyr Heiðmarsson 2, Goði Ingvar Sveinsson 2, Jón Ásgeir Eyjólfsson 1, Aron Breki Oddnýjarson 1, Andri Hansen 1.
Varin skot: Andri Hansen 12.
