Stúlkurnar í U16 ára landsliðinu mæta norska landsliðinu í fyrstu umferð riðlakeppni Opna Evrópumótsins í handknattleik í Gautaborg í dag. Flautað verður til leiks klukkan 9.45. Síðar í dag mæta íslensku stúlkurnar til leiks er þær mæta portúgalska landsliðinu.
Á morgun mætir íslenska liðið pólska landsliðinu.
Sextán lið taka þátt í mótinu og leika þau í fjórum fjögurra liða riðlum. Eftir að riðlakeppninni verður lokið síðdegis á morgun tekur við milliriðlakeppni á miðvikudag og fimmtudag. Á föstudaginn verður leikið um sæti á mótinu sem fer fram samhliða hinu afar vinsæla Partille cup móti félagsliða sem ekki færri en 600 Íslendingar sækja að þessu sinni.
Handknattleikssamband Evrópu verður með endurgjaldslaust streymi frá leikjum mótsins á neðangreindri slóð.
Eftirtaldir leikmenn skipa U16 ára landsliðið á Opna Evrópumótinu:
Markverðir:
Elísabet Millý Elíasardóttir, Stjörnunni.
Ingunn María Brynjarsdóttir, Fram.
Aðrir leikmenn:
Ásrún Inga Arnarsdóttir, Val.
Kristbjörg Erlingsdóttir, Val.
Guðrún Hekla Traustadóttir, Val.
Dagmar Guðrún Pálsdóttir, Fram.
Rakel Dóróthea Ágústsdóttir, HK.
Eva Gísladóttir, FH.
Ágústa Rún Jónasdóttir, HK.
Lydía Gunnþórsdóttir, KA/Þór.
Arna Karitas Eiríksdóttir, Val.
Herdís Eiríksdóttir, ÍBV.
Ester Amíra Ægisdóttir, Haukum.
Sólveig Þórmundsdóttir, Val.
Þóra Hrafnkelsdóttir, Haukum.
Alexandra Ósk Viktorsdóttir, ÍBV.
