- Auglýsing -

Gefa ekkert eftir

Jannick Green, markvörður Magdeburg, og Ómar Ingi Magnússon. Mynd/Guðmundur Svansson

Ómar Ingi Magnússon, Gísli Þorgeir Kristjánsson og félagar kvika hvergi. Þeir gefa ekkert eftir í toppbaráttu þýsku 1. deildarinnar í handknatttleik. Í kvöld unnu þeir sinn sextánda leik í röð í deildinni er þeir lögðu HSV Hamburg, 34:26, á heimavelli í 16. umferð deildarinnar.


Ómar Ingi var næst markahæstur hjá Magdeburg liðinu með sjö mörk úr níu skotum þar af skoraði hann þrjú úr vítaköstum. Daninn Michael. Damgard var markahæstur með 10 mörk. Ómar Ingi átti fjórar stoðsendingar.

Gísli Þorgeir skoraði eitt mark.


Daníel Þór Ingason og félagar í Balingen-Weilstetten gerðu jafntefli við Füchse Berlin, 26:26, í Berlín. Daníel Þór skoraði tvö mörk og lét ennfremur finna fyrir sér í vörninni og var fyrir vikið vísað af leikvelli í tvígang í tvær mínútur.

Arnór Þór Gunnarsson skoraði fjögur mörk í jafnmörgum tilraunum þegar Bergischer gerði jafntefli við Lemgo, 27:27, á heimavelli Lemgo. Bjarki Már Elísson skoraði einnig fjögur mörk fyrir Lemgo. Arnór Þór skoraði eitt úr vítakasti en Bjarki Már þrjú.


Staðan:

Standings provided by SofaScore LiveScore
- Auglýsing -
- Auglýsing -

Nýjustu fréttir

- Auglýsing -