- Auglýsing -

„Geggjað í alla staði“

Magnús Óli Magnússon, leikmaður Vals og landsliðsmaður. Mynd/HSÍ

„Þetta er bara geggjað í alla staði,“ sagði Magnús Óli Magnússon, handknattleiksmaður hjá Val, þegar handbolti.is leitaði viðbragða hjá honum í dag eftir að Magnús Óli var valinn í landsliðshópinn sem tekur þátt í leikjum í undankeppni EM í byrjun janúar og síðan HM í Egyptalandi síðar í þeim mánuði.

Magnús Óli hefur aldrei leikið með íslenska landsliðinu á stórmóti en tekið þátt í sex landsleikjum og skorað sex mörk. Síðast kom Magnús Óli við sögu í landsleik gegn Litháen í undankeppni EM2022 í byrjun nóvember í Laugardalshöll.

Hvert reiknar Magnús Óli með að verði hlutverk hans í landsliðinu?
„Eins Guðmundur landsliðsþjálfari sagði á blaðamannafundinum í morgun. þá get ég leyst flestar stöður af fyrir utan og einnig spilað bakvörð í vörninni,“ sagði Magnús Óli sem viðurkennir að valið hafi komið honum aðeins á óvart, ekki síst í ljósi þeirrar stöðu sem uppi hefur verið meðal handknattleiksfólks hér á landi síðustu mánuði.

Guði sé lof

„Þetta kom kannski smá á óvart vegna þess að við höfum náttúrlega einsog flestir vita ekki verið að spilað seinustu tvo mánuði en ég hef reynt að halda mér í formi eins og hægt er. Guð sé lof fyrir að æfingarnar eru byrjaðar aftur,“ sagði Magnús Óli Magnússon, landsliðsmaður í handknattleik, himinsæll með tíðindi morgunsins.

- Auglýsing -
- Auglýsing -

Nýjustu fréttir

- Auglýsing -