Gerði tvær breytingar

Alfreð Gíslason gerði tvær breytingar á þýska landsliðinu áður en það heldur til Tallinn í fyrramálið þar sem það mætir landsliði Eistlands á sunnudaginn í undankeppni EM2022.

Paul Drux skytta frá Füchse Berlin og markvörðurinn Till Klimpke koma inn í 16 manna hópinn í stað þeirra Fabian Bömhm og Silvio Heinvetter.

Þýska landsliðið ætlaði að fara með einkavél til Tallinn á sunnudagsmorgun. Það verður hinsvegar að flýta för þangað til árla í fyrramálið vegna reglna um skimun við landamæri og sóttkví sem gildir í Eistlandi. Ekki ósvipað þeim sem eru hér á landi.

Þýskaland vann Bosníu á heimavelli í gær, 25:21, í fyrstu umferð. Eistaland tapaði fyrir Austurríki, 31:28, á miðvikudagskvöld.