Gísli og Ómar taka þátt í HM félagsliða í október

SC Magdeburg, sem Gísli Þorgeir Kristjánsson og Ómar Ingi Magnússon leika með, tekur þátt í heimsmeistarakeppni félagsliða (IHF Super Globe) sem fram fer í Dschidda í Sádi-Arabíu 4. til 10. október. Félagið greinir frá því í morgun að boð hafi borist frá Alþjóða handknattleikssambandinu sem stendur fyrir keppninni.

SC Magdeburg vann Evrópudeildina í vor, en það er næst sterkasta keppnin af Evrópumótum félagsliða. Auk þess er ljóst að Barcelona verður með þar sem liðið hefur titil að verja frá 2019 auk þess sem liðið vann Meistaradeildina í vor. Eins er ekki útilokað að Aalborg Håndbold, silfurlið Meistaradeildar Evrópu, taki þátt. Til viðbótar mæta álfumeistarar Afríku, Asíu, Ameríku og lið frá Ástralíu eins og venjan er.

• Flautað var af eftir 90 sekúndur – dómari meiddist
• Elmar hefur komið nærri meira en helmingi marka íslenska liðsins
• Arnbjörg Berta framlengir samning sinn
• HMU21-’25: Milliriðlar, úrslit, staðan, allir leikir
• Molakaffi: Nagy, Christensen, Dujshebaev-bræður, Jicha