- Auglýsing -

Gísli Þorgeir fór úr axlarlið

Gísli Þorgeir Kristjánsson hefur tekið þátt ít tveimur heimsmeistaramótum en verður nú með í fyrsta sinn á EM. Mynd/EPA

Staðfest hefur verið að Gísli Þorgeir Kristjánsson, landsliðsmaður handknattleik og leikmaður þýska liðsins SC Magdeburg, fór úr vinstri axlarlið undir lok leiks Magdeburg og Füchse Berlin í þýsku 1. deildinni í handknattleik í gær.

Grunur var um að þetta hefði gerst eins og handbolti.is sagði frá í gær.


Kristján Arason, faðir Gísla Þorgeirs, staðfesti tíðindin í samtali við visir.is í dag.


„Honum var kippt í lið af lækni en það þarf að festa þetta betur þannig að hann þarf að fara í aðgerð. Hann er á spítala núna og var þar í nótt. Núna þarf að taka ákvörðun um næstu skref,“ segir Kristján í fyrrgreindu samtali við við Vísir.


„Hann er staðráðinn í að halda áfram og koma sterkari til baka,” segir Kristján einnig.


Gísli Þorgeir, sem er 21 árs gamall, hefur ítrekað glímt við alvarleg meiðsli á öxlum og verið frá um lengri tíma af þeim sökum. Hann lék með íslenska landsliðinu á heimsmeistaramótinu í Egyptalandi í janúar og var einn allra besti leikmaður liðsins og óx svo sannarlega ásmegin eftir því sem á mótið leið.

- Auglýsing -
- Auglýsing -

Nýjustu fréttir

- Auglýsing -