- Auglýsing -

Grétar Ari heldur áfram að verja og verja

Grétar Ari Guðjónsson markvörður Nice. Mynd/Cavigal Nice Handball

Grétar Ari Guðjónsson og samherjar í Nice töpuðu naumlega fyrir Sarrebourg, 29:28, á heimavelli í frönsku B-deildinni í gærkvöld eftir að hafa verið þremur mörkum undir í hálfleik, 17:14.


Vonir Nice um sæti í úrslitakeppninni voru daufar fyrir leikinn í gærkvöldi og segja má að þær séu nú alveg úr sögunni. Nice situr í sjöunda sæti en liðin í öðru til sjötta sæti fara í umspil um sæti í efstu deild.


Grétar Ari stóð að vanda fyrir sínu í marki Nice. Hann varði 15 skot og var með 34% hlutfallsmarkvörslu. Hann er sem fyrr sá markvörður deildarinnar sem hefur varið mest á leiktíðinni og ljóst að Hafnfirðingurinn hefur vakið mikla athygli fyrir frábæra frammistöðu á keppnistímabilinu. Grétar Ari gekk til liðs við Nice frá Haukum á síðasta sumri.


Leik Angers og Nancy, sem Elvar Ásgeirsson leikur með, var frestað vegna kórónuveirunnar sem herjað hefur á herbúðir Nancy upp á síðkastið.

- Auglýsing -
- Auglýsing -

Nýjustu fréttir

- Auglýsing -