Ungmennalið Fram vann ungmennalið Víkings nokkuð örugglega, 37:32, í eina leik kvöldsins í Grill 66-deild karla í handknattleik. Leikurinn fór fram í Úlfarsárdal, heimavelli Framara. Þeir voru yfir að loknum fyrri hálfleik, 18:15.
Ungu Framararnir hafa þar með tekið afgerandi forystu í Grill 66-deild karla þegar flest liðin hafa leikið níu sinnum, eða helming leikja sinna. Fram er með 16 stig, er þremur stigum á undan Fjölni og Þór og fjórum stigum framar en ÍR.
Ungmennalið Fram á ekki möguleika að fara upp úr deildinni næsta vor en getur unnið deildina engu að síður.
Ungu Víkingarnir reka lestina með eitt stig í leikjum. Uppskeran hefur verið rýr til þess þrátt fyrir góða leiki á köflum. Ljóst er af leiknum í kvöld að efniviður er fyrir hendi hjá báðum félögum enda eru nokkrir leikmenn þegar farir að leika með liðum félaganna í Olísdeildinni.
Staðan og næstu leikir í Grill 66-deildum.
Mörk Fram U.: Marel Baldvinsson 13, Eiður Rafn Valsson 8, Max Emil Stenlund 5, Bjartur Már Guðmundsson 4, Benjamín Björnsson 2, Sigurður Bjarki Jónsson 2, Tindur Ingólfsson 2, aníel Stefán Reynisson 1.
Varin skot: Breki Hrafn Árnason 8, Garpur Druzin Gylfason 3.
Mörk Víkings U.: Sigurður Páll Matthíasson 8, Kristófer Snær Þorgeirsson 7, Arnar Steinn Arnarsson 5, Einar Marteinn Einarsson 5, Benedikt Emil Aðalsteinsson 4, Nökkvi Gunnarsson 2, Arnar Gauti Arnarsson 1.
Varin skot: Heiðar Snær Tómasson 9, Hinrik Örn Jóhannsson 1.
Staðan og næstu leikir í Grill 66-deildum.
