- Auglýsing -
- Auglýsing -
- Auglýsing -

Grill 66karla: Jafnt í uppgjöri í toppbaráttunni

Bernhard Snær Petersen og samherjar í Fjölni máttu gera sér annað stigi að góðu gegn ÍR í gærkvöld. Mynd/Þorgils G - Fjölnir handbolti
- Auglýsing -

Róbert Snær Örvarsson tryggði ÍR annað stigið í toppslag Grill 66-deildar karla í handknattleik í gær þegar ÍR-ingar sóttu Fjölnismenn heim í Fjölnishöllina í Grafarvogi, 23:23. Róbert Snær skoraði markið tveimur sekúndum fyrir leikslok.

ÍR hefur þar með 17 stig eftir 12 leiki í Grill 66-deildinni, er stigi á undan Þór og tveimur ofar en Fjölnir en liðin berjast um efsta sætið sem gefur rétt á flutningi upp í Olísdeildina í vor. Tengil á stöðuna í deildinni er að finna rétt hér fyrir neðan.

Að loknum jöfnum fyrri hálfleik í Fjölnishöllinni voru heimamenn marki yfir, 12:11, þegar gengið var til búningsherbergja að loknum 30 mínútum.

Leikmenn Fjölnis hófu síðari hálfleik af miklum krafti og voru komnir með fimm marka forskot eftir fimm mínútur, 17:12. Þeim hélst ekki á forystunni til lengdar. Síðustu 10 mínúturnar voru jafnar og spennandi og því e.t.v. við hæfi að liðin skildu með skiptan hlut.

Staðan og næstu leikir í Grill 66-deildum.

Mörk Fjölnis: Björgvin Páll Rúnarsson 5, Viktor Berg Grétarsson 5, Alex Máni Oddnýjarson 4, Elvar Þór Ólafsson 3, Tómas Bragi Starrason 3, Bernhard Snær Petersen 2, Óðinn Freyr Heiðmarsson 1.
Varin skot: Sigurður Ingiberg Ólafsson 14.
Mörk ÍR: Hrannar Ingi Jóhannsson 8, Róbert Snær Örvarsson 6, Baldur Fritz Bjarnason 3, Sveinn Brynjar Agnarsson 2, Andri Freyr Ármannsson 1, Eyþór Ari Waage 1, Bernard Kristján Darkoh 1, Bjarki Steinn Þórisson 1.
Varin skot: Rökkvi Pacheco Steinunnarson 12.

Tölfræðin hjá HBStatz.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -