Ungmennalið Vals vann ungmennalið Hauka með sjö marka mun, 39:32, í N1-höll Valsara í Grill 66-deild karla í handknattleik í kvöld. Leikurinn fór fram í N1-höll Valsara á Hlíðarenda. Staðan var 19:17, að loknum fyrri hálfleik, Valsmönnum í vil.
Með sigrinum komst Valur stigi upp fyrir Hauka í sjötta sæti deildarinnar með 16 stig. Haukar hafa 15 stig í sjöunda sæti og eru fjórum stigum á undan KA U sem situr í áttunda sæti. Liðin er öll fyrir löngu sloppin við fall úr deildinni.
Eftir leikinn í kvöld eiga öll lið deildarinnar ólokið tveimur viðureignum. Tvær síðustu umferðirnar fara fram 23. og 28. mars. Nánar má kynna sér hvaða lið mætast á lokasprettinum með smella hér.
Mörk Vals U.: Tómas Sigurðarson 10, Þorvaldur Örn Þorvaldsson 5, Atli Hrafn Bernburg 4, Hlynur Freyr Geirmundsson 4, Daníel Örn Guðmundsson 3, Gabríel Kvaran 3, Dagur Leó Fannarsson 2, Daníel Montoro Montoro 2, Knútur Gauti Kruger 2, Loftur Ásmundsson 2, Jóhannes Jóhannesson 1, Matthías Ingi Magnússon 1.
Varin skot: Stefán Pétursson 16.
Mörk Hauka U.: Sigurður Snær Sigurjónsson 8, Birkir Snær Steinsson 5, Freyr Aronsson 5, Bóas Karlsson 3, Aron Ingi Hreiðarsson 2, Egill Jónsson 2, Páll Þór Kolbeins 2, Stefán Karolis Stefánsson 2, Daníel Máni Sigurgeirsson 1, Sigurður Bjarmi Árnason 1, Ari Dignus Maríuson 1.
Varin skot: Ari Dignus Maríuson 8, Finnbogi Árnason 1.
Staðan og næstu leikir í Grill 66-deildum.
