Ungmennalið Vals hafði betur í viðureign við ungmennalið Víkings í 2. umferð Grill 66-deildar karla í Safamýri, heimavelli Víkings, í kvöld, 30:26. Valsliðið var fimm mörkum yfir í hálfleik, 17:12, í uppgjöri ungmenna- og grannliðanna sem lengi elduðu grátt silfur á handknattleiksvellinum.
Sigurinn í kvöld var sá fyrsti sem féll Valsliðinu í skaut. Víkingar eru án stiga eftir tvo hörkuleiki en leikmönnum liðsins tókst að velgja Harðverjum hressilega undir uggum á Ísafirði fyrir rúmri viku.
Endi verður bundinn á aðra umferð Grill 66-deildar karla annað kvöld þegar Þór sækir ungmennalið KA heim klukkan 19.30.
Staðan og næstu leikir í Grill 66-deild karla.
Mörk Víkings U.: Benedikt Emil Aðalsteinsson 11, Arnar Gauti Arnarsson 4, Kristófer Snær Þorgeirsson 3, Arnar Steinn Arnarsson 2, Nökkvi Gunnarsson 2, Arnar Huginn Ingason 1, Arnar Már Ásmundsson 1, Ari Freyr Jónsson 1, Birgir Örn Birgisson 1.
Varin skot: Hinrik Örn Jóhannsson 6.
Mörk Vals U.: Atli Hrafn Bernburg 6, Loftur Ásmundsson 5, Dagur Leó Fannarsson 4, Daníel Örn Guðmundsson 4, Knútur Gauti Kruger 4, Tómas Sigurðarson 3, Viktor Andri Jónsson 2, Þorvaldur Örn Þorvaldsson 2.
Varin skot: Stefán Pétursson 8, Guðmundur Helgi Imsland 1.
