Fjölnir vann sinn fjórða leik í Grill 66-deild kvenna í dag í heimsókn sinni til granna sinna í ungmennaliði Fram í Lambagahöllina, 33:21. Sólveig Ása Brynjarsdóttir átti stórleik fyrir Fjölni og skoraði 10 mörk. Fjölnisliðið hafði tögl og hagldir í leiknum frá upphafi.
Auður Katrín Jónasdóttir skoraði sigurmark HK gegn Val á elleftu stundu leiks liðanna í Kórnum í dag. HK-ingar léku afar vel í síðari hálfleik og náðu að snúa við blaðinu. Valur hafði fjögurra marka forskot þegar fyrri hálfleikur var að baki, 15:11.
Ungmennalið Vals tefldi fram A-landsliðskonu, Lilju Ágústsdóttur, en allt kom fyrir ekki. Hin stórefnilega Arna Karitas Eiríksdóttir var markahæst hjá Val. Leandra Náttsól Salvamoser var atkvæðamest hjá HK sem hafði sætaskipti við Val með þessum sigri. HK fór upp í sjötta sæti með 14 stig.
Staðan og næstu leikir í Grill 66-deildum.
Fram U – Fjölnir 21:33 (8:16).
Mörk Fram U.: Íris Anna Gísladóttir 4, Sara Rún Gísladóttir 3, Natalía Jóna Jensdóttir 3, Elín Ása Bjarnadóttir 2, Silja Katrín Gunnarsdóttir 2, Sylvía Dröfn Stefánsdóttir 1, Þóra Lind Guðmundsdóttir 1, Valgerður Arnalds 1, Emma Brá Óttarsdóttir 1, Ingibjörg Eva Baldvinsdóttir 1, Embla María Böðvarsdóttir 1, Matthildur Bjarnadóttir 1.
Varin skot: Ingunn María Brynjarsdóttir 13.
Mörk Fjölnis: Sólveig Ása Brynjarsdóttir 10, Telma Sól Bogadóttir 7, Elín Kristjánsdóttir 4, Emelía Ósk Aðalsteinsdóttir 3, Nína Rut Magnúsdóttir 3, Eyrún Ósk Hjartardóttir 3, Signý Harðardóttir 1, Azra Cosic 1, Kolbrún Arna Garðarsdóttir 1.
Varin skot: Þyrí Erla Sigurðardóttir 17, Emilía Karítas Rafnsdóttir 1.
HK – Valur U 29:28 (11:15).
Mörk HK: Leandra Náttsól Salvamoser 7, Aníta Björk Bárðardóttir 4, Aníta Eik Jónsdóttir 4, Anna Valdís Garðarsdóttir 3, Amelía Laufey G. Miljevic 3, Auður Katrín Jónasdóttir 3, Hekla Fönn Vilhelmsdóttir 3, Inga Fanney Hauksdóttir 2.
Varin skot: Þórfríður Arinbjarnardóttir 5, Tanja Glóey Þrastardóttir 2.
Mörk Vals U.: Arna Karitas Eiríksdóttir 8, Lilja Ágústsdóttir 7, Guðrún Hekla Traustadóttir 5, Ágústa Rún Jónasdóttir 3, Ásthildur Jóna Þórhallsdóttir 3, Ásrún Inga Arnarsdóttir 1, Sara Lind Fróðadóttir 1.
Varin skot: Arna Sif Jónsdóttir 7, Hekla Soffía Gunnarsdóttir 1.
