Grótta heldur sínu striki í öðru sæti Grill 66-deildar kvenna í handknattleik. Hún vann lið Berserkja örugglega í Víkinni í kvöld, 37:16, eftir að hafa verið sjö mörkum yfir að loknum fyrri hálfleik, 16:9. Viðureignin bar þess talsverð merki að liðin eru nánast hvort á sínum enda stöðutöflunnar.
Í hinni viðureign dagsins í Grill 66-deild kvenna vann ungmennalið Vals liðsmenn ungmennaliðs Hauka, 37:29, í N1-höll Vals sem nú heitir en var áður Origohöllin og þar áður eitthvað annað. Valur var þremur mörkum yfir í hálfleik, 18:15.
Staðan og næstu leikir í Grill 66-deildum.
Berserkir – Grótta 16:37 (9:16).
Mörk Berserkja: Thelma Lind Victorsdóttir 5, Jóhanna Helga Jensdóttir 4, Arna Sól Orradóttir 3, Gerður Rún Einarsdóttir 2, Agnes Ýr Bjarkadóttir 1, Kristín María Þrastardóttir 1.
Varin skot: Sólveig Katla Magnúsdóttir 10, Aníta Sólveig Traustadóttir 1.
Mörk Gróttu: Karlotta Óskarsdóttir 8, Lilja Hrund Stefánsdóttir 8, Katrín Anna Ásmundsdóttir 6, Katrín S. Thorsteinsson 5, Ólöf María Stefánsdóttir 3, Edda Steingrímsdóttir 2, Rut Bernódusdóttir 2, Hrafnhildur Hekla Grímsdóttir 1, Ída Margrét Stefánsdóttir 1, Sara Björg Davíðsdóttir 1.
Varin skot: Anna Karólína Ingadóttir 8.
Valur U – Haukar U 37:29 (18:15).
Mörk Vals U.: Ásrún Inga Arnarsdóttir 8, Arna Karitas Eiríksdóttir 6, Ágústa Rún Jónasdóttir 6, Guðrún Hekla Traustadóttir 6, Ágústa Rún Jónasdóttir 3, Katla Margrét Óskarsdóttir 2, Kristbjörg Erlingsdóttir 2, Sólveig Þórmundsdóttir 2.
Varin skot: Hekla Soffía Gunnarsdóttir 5, Oddný Mínervudóttir 2.
Mörk Hauka U.: Brynja Eik Steinsdóttir 7, Hildur Sóley Káradóttir 7, Ester Amíra Ægisdóttir 5, Anika Rut Smáradóttir 3, Andrea Mist Grettisdóttir 2, Rósa Kristín Kemp 2, Hafdís Helga Pálsdóttir 1, Hekla Katrín Freysdóttir 1, Þóra Hrafnkelsdóttir 1.
Varin skot: Elísa Helga Sigurðardóttir 12, Erla Rut Viktorsdóttir 2.
