Grótta treysti stöðu sína í þriðja sæti Grill 66-deildar kvenna í handknattleik í kvöld með öruggum sigri á ungmennaliði Vals í Origohöll Valsara, 33:23. Það var þó ekki fyrr en í síðari hálfleik sem leiðir liðanna skildu þegar leikmenn Gróttu skoruðu fyrstu fimm mörkin og náðu sjö marka forskoti. Grótta var aðeins tveimur mörkum yfir í hálfleik, 17:15.
Karlotta Óskarsdóttir, sem kom til Gróttu í sumar frá Val, var markahæst með átta mörk. Hin stórefnilega Arna Karitas Eiríksdóttir lét mest að sér kveða í Valsliðinu. Hún skoraði einnig átta mörk.
Grótta hefur þar með sex stig eftir fjóra leiki en viðureignin í Origohöllinni var sú fyrsta í fjórðu umferð og um leið fyrsti leikur sem fram fer í deildinni í nærri tvær vikur vegna hlés vegna æfinga og keppni A-landsliðsins.
Auk Gróttu hafa FH og Selfoss sex stig en liði hafa aðeins lokið þremur viðureignum hvort.
Staðan og næstu leikir í Grill 66-deildum.
Mörk Vals U.: Arna Karitas Eiríksdóttir 8, Guðrún Hekla Traustadóttir 4, Sara Lind Fróðadóttir 4, Ásrún Inga Arnarsdóttir 3, Ásrún Inga Arnarsdóttir 2, Ásthildur Jóna Þórhallsdóttir 1, Ágústa Rún Jónasdóttir 1.
Varin skot: Arna Sif Jónsdóttir 6, Hekla Soffía Gunnarsdóttir 2.
Mörk Gróttu: Karlotta Óskarsdóttir 8, Ída Margrét Stefánsdóttir 5, Lilja Hrund Stefánsdóttir 5, Guðlaug Embla Hjartardóttir 3, Katrín Helga Sigurbergsdóttir 3, Katrín Anna Ásmundsdóttir 3, Ólöf María Stefánsdóttir 2, Rut Bernódusdóttir 2, Arndís Áslaug Grímsdóttir 1, Katrín S. Thorsteinsson 1.
Varin skot: Anna Karólína Ingadóttir 9, Sara Xiao Reykdal 6.
