- Auglýsing -
- Auglýsing -
- Auglýsing -

Guðmundur Bragi orðaður við Bjerringbro/Silkeborg

Guðmundur Bragi Ástþórsson er orðaður við danskt félagslið. Mynd/Kristján Orri Jóhannsson
- Auglýsing -

Handknattleiksmaðurinn Guðmundur Bragi Ástþórsson úr Haukum er samkvæmt heimildum Handkastsins á leiðinni til danska úrvalsdeildarliðsins Bjerringbro/Silkeborg. Þetta hefur handkastið samkvæmt heimildum og segir frá á X, áður Twitter í dag.

Guðmundur Bragi hefur áður leitað fyrir sér utan landssteinanna. M.a. var hann um skeið til reynslu á ASV Hamm Westfalen fyrir tveimur árum.

Bjerringbro/Silkborg, sem er með bækistöðvar á miðju Jótlandi, hafnaði í fjórða sæti dönsku úrvalsdeildarinnar í vor eftir að hafa fatast flugið þegar á leið tímabilið. Patrick Westerholm þjálfara var sagt upp störfum 11. apríl eftir að liðið hafði tapað sjö af átta undangengnum leikjum. M.a. var liðið nokkuð frá sæti í undanúrslitum um danska meistaratitilinn.

Simon Sørensen aðstoðarþjálfari tók við þjálfun Bjerringbro/Silkeborg af Westerholm og á dögunum var gamla brýnið Erik Veje Rasmussen ráðinn aðstoðarþjálfari.

Margir öflugir leikmenn eru í herbúðum Bjerringbro/Silkeborg. Þeirra þekktastur er væntanlega landsliðsmaðurinn Rasmus Lauge.

Þráinn Orri Jónsson, Kári Kristján Kristjánsson og Sigvaldi Björn Guðjónsson eru á meðal íslenskra handknattleiksmanna sem leikið hafa fyrir lið Bjerringbro/Silkeborg.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -