- Auglýsing -
- Auglýsing -
- Auglýsing -

Guðmundur Helgi er hættur hjá Aftureldingu

Guðmundur Helgi Pálsson er hættur þjálfun Aftureldingar. Ljósmynd/Hafliði Breiðfjörð
- Auglýsing -

Guðmundur Helgi Pálsson er hættur þjálfun kvennaliðs Aftureldingar í handknattleik. Fram kemur í tilkynningu frá handknattleiksdeild að Guðmundur hafi óskað eftir að verða leystur undan samningi af persónulegum ástæðum. Orðið hafi verið við þeirri ósk.

Ekki liggur fyrir hver tekur við af Guðmundi Helga sem hefur þjálfað Aftureldingarliðið síðan í árslok 2019. Afturelding féll úr Olísdeild kvenna í vor eftir tap fyrir Gróttu í fimm leikja umspili.

Guðmundur Helgi var með samning við Aftureldingu sem náði fram yfir næsta keppnistímabil. Guðmundur Helgi þjálfaði karlalið Fram um árabil áður en hann kom til starfa hjá Aftureldingu.

Yfirlýsing handknattleiksdeildar Aftureldingar vegna starfsloka Guðmundar Helga:

„Guðmundur Helgi Pálsson þjálfari meistaraflokks kvenna hefur beðist lausnar undan samningi við félagið af persónulegum ástæðum og mun taka hvíld frá þjálfun á komandi tímabili.
Meistaraflokksráð kvenna vill koma á framfæri innilegu þakklæti fyrir afar gott samstarf við Guðmund Helga síðustu fjögur og hálft ár, en hann hefur sýnt mikinn áhuga og metnað gagnvart verkefnunum í félaginu og óskum við honum velgengni og farsældar í komandi viðfangsefnum.
Fyrir hönd meistaraflokksráðs,
Erla Dögg.“

Grill 66-deildir.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -