Guðmundur Hólmar Helgason kveður Selfoss eftir leiktíðina eftir þriggja ára dvöl og gengur til liðs við Hauka. Hann hefur skrifað undir tveggja ára samning við Hafnarfjarðarliðið sem tekur til gildi í sumar. Haukar greina frá þessu í morgun.
Guðmund Hólmar hóf ungur að árum að leika með liði Akureyrar handboltafélags í efstu deildar. Hann vann deildarmeistaratitilinn með þeim árið 2011. Guðmundur lék með Val frá 2013 til 2016 og varð hann deildarmeistari með liðinu 2015 og bikarmeistari 2016. Guðmundur lék svo í atvinnumennsku frá 2016 til 2020. Fyrri tvö árin með franska liðinu Cesson Rennes og seinni tvö árin með West Wien í Austurríki.
Guðmundur á að baki tvö stórmót með íslenska landsliðinu, EM 2016 og HM 2017. Alls hefur hann leikið 25 A-landsleiki.
Guðmundur sem leikur ýmist sem vinstri skytta eða leikstjórnandi hefur á yfirstandandi tímabili skoraði 71 mark í 16 leikjum í deildinni auk þess er hann með 39 stoðsendingar.
