Guðmundur Rúnar hleypur í skarðið fyrir Viktor

Eftir tveggja ára fjarveru er Guðmundur Rúnar Guðmundsson kominn aftur inn í þjálfarateymi karlaliðs Fjölnis í handknattleik. Að þessu sinni er Guðmundur í hlutverki aðstoðarþjálfara en hann var aðalþjálfari liðsins frá 2020 til 2022.

Guðmundur Rúnar kemur í stað Viktors Lekve sem verið hafði aðstoðarþjálfari karlaliðs Fjölnis í a.m.k. þrjú ár. Viktor hætti í vor um leið og Sverrir Eyjólfsson lét af störfum eftir að hafa stýrt Fjölnisliðinu upp í Olísdeildina með sigri á Þór í umspili. Gunnar Steinn Jónsson tók við af Sverri.

Fjölnir mætir ÍR í nýliðaslag 1. umferðar Olísdeildar í Fjölnishöllinni á morgun föstudag.

Leikjadagskrá Olísdeilda.