Sveinn Jóhannsson og samherjar í SöndersjyskE gulltryggðu sér sæti í úrslitakeppninni um danska meistaratitilinn í handknattleik í kvöld þegar þeir lögðu Mos-Thy, 25:22, á heimavelli Mors í 20. umferð deildarinnar. Um leið dofnaði mjög yfir vonum leikmanna Mors-Thy um að komast í úrslitakeppnina. Sennilega kemur það í hlut Mors-Thy að taka þátt í keppni liðanna í neðri hlutanum.
Sveinn skoraði tvö mörk úr jafn mörgum tilraunum. Honum var vísað einu sinni af leikvelli.
Heimamenn voru með yfirburði í fyrri hálfleik og voru með fimm marka forskot að honum loknum 13:8. Sveinn og félagar sneru blaðinu við í síðari hálfleik og unnu kærkominn sigur.
Staðan í deildinni:
GOG 32(18), Aalborg 31(20), Holstebro 26(19), Bjerringbro/Silkeborg 25(18), SönderjyskE 23(20), Skanderborg 22(20), Skjern 21(18), Kolding 19(19), Fredericia 18(19), Aarhus 16(20), Ribe-Esbjerg 15(20), Mors Thy 15(20), Ringsted 5(20), Lemvig 2(19).
