- Auglýsing -
Þýska handknattleiksliðið Gummersbach, sem Guðjón Valur Sigurðsson þjálfar, staðfesti í morgun fregnir um að markvörðurinn Martin Nagy hafi samið um að leika með liðinu á næsta keppnistímabili.
Nagy kom til Vals á síðasta sumri og varð Íslandsmeistari með Hlíðarendaliðinu á dögunum. Ekki kemur fram hversu langur samningur Nagy við Gummersbach er. Áður en Nagy gekk til liðs við Val fyrir ári var hann í herbúðum MOL-Pick Szeged sem varð ungverskur meistari í vor.
Nagy verður einn þriggja markvarða Gummersabach. Liðið var hársbreidd frá því að að vinna sér sæti í 1. deild á næsta keppnistímabili.
Eyjamaðurinn Elliði Snær Viðarsson er leikmaður Gummersabach og Hákon Daði Styrmisson bætist í hóp leikmanna liðsins í sumar.
- Auglýsing -
