Gunnar Gunnarsson er óvænt hættur þjálfun kvennaliðs Gróttu í handknattleik. Þetta kemur fram í tilkynningu handknattleiksdeildar Gróttu í kvöld sem gefin var út rétt eftir að liðið vann Fjölni/Fylki, 32:28, í Grill 66-deildinni.
Í tilkynningunni segir að stjórn deildarinnar hafi samþykkt ósk Gunnars um segja starfi sínu lausu nú þegar. Gunnar tók við þjálfun Gróttu á síðasta sumri eftir tvö ár við stjórnvölin hjá kvennaliði Hauka. Gunnar er þrautreyndur þjálfari jafnt karla- sem kvennaliða.
Gunnar sagði í samtali við handbolta.is í kvöld að mikla annir í daglegum störfum hafi orðið til þess að hann hafi óskað eftir að hætta hjá Gróttu. Honum þætti miður að svo hafi farið vegna þess að verkefnið hjá Gróttu hafi verið mjög spennandi.
Leit að eftirmanni Gunnars stendur yfir en á meðan stýrir Sigríður Unnur Jónsdóttir æfingum en hún er aðstoðarþjálfari Gróttuliðsins sem er í þriðja sæti Grill 66-deildar með 14 stig að loknum 10 leikjum.
