- Auglýsing -
Gunnar Valur Arason heldur áfram þjálfun kvennaliðs Fjölnis í handknattleik kvenna, eins og undanfarin ár. Frá þessu segir í tilkynningu handknattleiksdeildar Fjölnis.
Gunnar Val til halds og trausts hefur verið ráðinn Stefán Harald Berg Petersen. Hann mun einnig sinna markmannsþjálfun meistarflokks kvenna.
Fjögur ár eru liðin síðan Gunnar Valur kom fyrst að þjálfun meistaraflokksliðs Fjölnis í kvennaflokki. Á þeim tíma stóð yfir samstarf Fjölnis og Fylkis en það lagðist af fyrir ári.
Fjölnir leikur í Grill 66-deild kvenna.
„Meistaraflokksráð kvenna lýsir yfir mikilli ánægju með ráðningarnar og hlakkar til samstarfsins á komandi tímabili,“ segir í tilkynningu.
- Auglýsing -
