- Auglýsing -

Hægt að fá uppeldisbætur vegna áhugamanna

Mynd/Egill Bjarni Friðjónsson

Gerðar hafa verið breytingar á reglum um uppeldisgjald sem félög geta innheimt þegar leikmenn komast á atvinnumannasamning erlendis.

Breytingin felur í sér að nú verður hægt að rukka um uppeldisbætur fyrir leikmenn sem hafa verið á áhugamannasamningi hjá félagi sínu áður en þeir gerðu atvinnumannasamning við lið utan heimalands síns. Áður hefur aðeins verið mögulegt að innheimta uppeldisbætur vegna þeirra ára sem leikmenn hafa verið með atvinnumannasamning við félög sín.


Róbert Geir Gíslason, framkvæmdastjóri HSÍ, segir vera um framfaraskref að ræða fyrir félögin hér heima, svo dæmi sé tekið. Uppeldisbótum vegna áhugaleikmanna hefur verið skipt niður í þrjá verðflokka eftir svæðum. Ísland eða íslenskir áhugamenn sem komast á atvinnumannasamning utanlands falla í annan flokk þar sem uppeldisbætur verða 910 evrur, jafnvirði um 133 þúsund króna, fyrir hvert keppnistímabil vegna leikmanna 23 ára og yngri. Að hámarki verður hægt að innheimta bætur í sjö ár.


Uppeldisbætur vegna samningsbundinn leikmann verða 3.180 evrur fyrir hvert tímabil, um 465 þúsund kr og bætur vegna landsliða 1.360 evrur, jafnvirði nærri 200 þúsund króna.


Nýju reglurnar eiga jafnt við um karla sem konur.

- Auglýsing -
- Auglýsing -

Nýjustu fréttir

- Auglýsing -