- Auglýsing -
- Auglýsing -
- Auglýsing -

Hættið að kalla okkur kúreka!

Leikmenn króatíska handboltalandsliðsins hafa fengið nóg af því að vera kallaðir kúrekar. Mynd/EPA
- Auglýsing -

Króatíska handknattleikssambandið hefur óskað eftir því að fjölmiðlar í landinu hætti að kalla landsliðið gælunafninu kúrekar eða Cowboys upp á ensku. Sambandið sendi frá sér tilkynningu fyrir hönd leikmanna, þjálfara og annarra starfsmanna þar sem fjölmiðlar eru lengstra orða beðnir að leggja af gælunafnið þar sem flestir hafa fengið nóg af því. Heitið hafi verið barn síns tíma.

Balic var fyrsti kúreki

Handknattleiksgoðið Ivano Balic er upphafsmaður kúrekaheitisins þegar heimsmeistaramótið fór fram í Króatíu 2009. Balic var þá aðalmaður liðsins eins og stundum áður. Sló hann nafninu fram fyrir mótið og festist það strax við króatíska landsliðið. Átti það að keyra upp stemningu með liðinu meðal króatísku þjóðarinnar og hrífa hana með.

Enginn eftir

„Enginn þeirra sem var í landsliðinu 2009 er leikmaður landsliðsins í dag. Þar af leiðandi á nafnið ekki við lengur og því viljum við biðja fjölmiðla og aðra að hætta að kalla króatíska landsliðið Cowboys,“ segir m.a. í tilkynningu króatíska landsliðsins.

Stefna hærra

Króatar ætla sér í fremstu röð á nýjan leik og gera sér vonir um góðan árangur á EM í Þýskalandi eftir vonbrigði með árangurinn á HM í fyrra þegar niðurstaðan varð 9. sætið. Einn liður í endurreisninni er að kasta kúrekaheitinu fyrir róða.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -