- Auglýsing -
- Auglýsing -
- Auglýsing -

Hafþór Már fór í aðgerð vegna brjóskloss

Hafþór Már Vignisson, í leik með Stjörnunni gegn KA. Hann leikur með Þór á næstu leiktíð. Mynd/Egill Bjarni Friðjónsson
- Auglýsing -

Hafþór Már Vignisson handknattleiksmaður hjá norska úrvalsdeildarliðinu ØIF Arendal Elite leikur væntanlega ekkert meira með liðinu á keppnistímabilinu. Eftir að hafa fundið fyrir brjósklosi þá gekkst Akureyringurinn undir aðgerð í síðustu viku.

Reikna má með að Hafþór Már verði frá keppni í tvo til þrjá mánuði af þessu sökum. Þar af leiðandi getur hann sennilega afskrifað frekari þátttöku í leikjum ØIF Arendal Elite á leiktíðinni.

Hafþór Már, sem er örvhent skytta, gekk til liðs við ØIF Arendal Elite fyrir um ári eftir að hafa verið í herbúðum Empor Rostock í þýsku 2. deildinni um nokkurt skeið. Þar áður lék Hafþór Már m.a. með Stjörnunni og ÍR auk Þórs Akureyri.

ØIF Arendal Elite situr um þessar mundir í þriðja sæti norsku úrvalsdeildarinnar. Dagur Gautason gekk til liðs við félagið í sumar og hefur gert það gott.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -