- Auglýsing -
- Auglýsing -
- Auglýsing -

Halldór Jóhann hættir á Sjálandi og flytur heim

Halldór Jóhann Sigfússon, annar frá hægri, þjálfari Nordsjælland ásamt nokkrum liðsmönnum. Mynd/Nordsjælland
- Auglýsing -

Halldór Jóhann Sigfússon hættir þjálfun danska úrvalsdeildarliðsins Nordsjælland Håndbold þegar keppnistímabilinu lýkur í vor. Félagið segir frá þessu í tilkynningu í dag. Þar kemur fram að fjölskylduástæður ráði því að þessi sameiginlega ákvörðun er tekin.

Halldór Jóhann tók við þjálfun Nordsjælland Håndbold í sumar sem leið. Hann hafði áður verið annar þjálfari úrvalsdeildarliðsins Team Tvis Holstebro í ár en við þjálfun þar tók hann tímabundið og fékk sig um leið leystan undan samningi á Selfossi.


„Ég sakna barna minna og þau sakna mín,“ segir Halldór Jóhann í tilkynningu Nordsjælland Håndbold. Hann hefur búið einn ytra.

„Ekki auðveld ákvörðun en nauðsynleg,“ skrifaði Halldór í færslu á Facebook í dag þar sem hann deilir tilkynningu félagsins.

Forsvarsmenn félagsins segja leiðir yfir að sjá að bak Halldóri Jóhanni. Hann hafi á sínum tíma hjá félaginu sett mark sitt á það.

Nordsjælland Håndbold situr í 12. sæti af 14 liðum deildarinnar eftir 18 umferðir af 26.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -