Nú get unnendur handknattleiks og lesendur handbolta.is nálgast alla tölfræði úr leikjum Olísdeildar karla og kvenna á svokölluðu handboltamæliborði Olísdeildanna. Mælaborðið, sem hannað er af Expectus, safnar saman tölfræðiupplýsingum frá HBStatz og setur fram á einkar myndrænan hátt.
Mælaborðið er á nokkrum síðum sem innihalda tölfræði upplýsingar úr mismunandi þáttum leiksins. Hægt er að nota filterana á vinstri hlið hverrar síðu til að eiga við gögnin og kanna nánar hluti sem hver og einn hefur áhuga á.
Kerfið er uppfært eftir að HBStatz hefur staðfest leikskýrslur sínar að leikjum loknum.
Nálgast má mælaborðið á undirsíðu handbolta.is “staða og leikir” og er það auðkennt sem “tölfræði“. Einnig má smella HÉR til að komast beint inn á mælaborðið úr þessari frétt.
Á mælaborðinu geta allir þeir sem hafa yndi af því að grúska í tölfræði Olísdeildanna nálgast allt á einu stað.
