- Auglýsing -

Handbolti.is hefur aldrei verið vinsælli

Mynd/Hafliði Breiðfjörð

Handbolti.is hefur aldrei verið vinsælli en um þessar mundir. Í gær voru fyrri met slegin, jafnt í aðsókn og lestri. Sólarhringsheimsóknir í gær, 12. janúar, voru liðlega 15 þúsund og flettingar rétt tæplega 23 þúsund og hafa aldrei verið fleiri.


Sló aðsóknin út metdagana 22. og 23. janúar 2022. Íslenska landsliðið í handknattleik karla vann Frakka á EM laugardaginn 22. janúar á síðasta ári í afar eftirminnilegum leik í Búdapest. Flettingar í gær voru nærri 50% fleiri en 23. janúar fyrir ári, daginn eftir leikinn við Ungverja, þegar fyrra met í flettingum var sett af lesendum handbolta.is.


Metdagurinn í gær er rökrétt framhald af vaxandi aðsókn að handbolta.is undanfarnar vikur. Nýliðinn desember var til að mynda næst aðsóknarmesti mánuður ársins 2022, næstur á eftir janúarmánuði 2022, hvort heldur þegar litið er til heimsókna eða flettinga.


Lesturinn hefur enn aukist í janúar. Það sem af er janúar slagar aðsóknin upp í samanlagðan lestur 28 daga febrúar á síðasta ári. Þegar rýnt er í aðsóknartölurnar er ljóst að nýjum lesendum fjölgar mikið, sem er afar gleðilegt.


Handbolti.is, sem flutt hefur fréttir af handbolta frá 3. september 2020, er einyrkjavefur sem reiðir sig á sölu auglýsinga til að fleyta sér áfram auk framlaga frá þakklátum lesendum. Neðaritaður vill minna á að netfang auglýsinga er auglysingar@handbolti.is, síminn er 6691300.


Handbolti.is þakkar lesendum innilega fyrir lesturinn með vissu um að framundan er áframhaldandi skemmtilegur handboltamánuður, utan vallar sem innan.
Einnig fá auglýsendur kærar þakkir.

Þótt aðsóknartölurnar þyki ekki háar þegar lítið er til hinna stærri netmiðla hér á landi þá eru útgefendur stoltir með árangurinn.


Ívar Benediktsson, ritstjóri, ivar@handbolti.is.

- Auglýsing -
- Auglýsing -

Nýjustu fréttir

- Auglýsing -