„Erum við ekki bara á þeim stað að við getum bara haldið úti tíu liða úrvalsdeild?,“ spurði Arnar Daði Arnarsson, félaga sína Theodór Inga Pálmason og Styrmi Sigurðsson í hlaðvarpsþættinum Handkastið í umræðu um nýliða Olísdeildar karla.
Óumflýjanleg breyting
Theodór Ingi og Styrmir tóku undir með Arnari Daða en þeir hafa á síðustu árum nokkrum sinnum farið í gegnum umræðu um 10 eða 12 liða úrvalsdeild karla.
Arnar Daði segir óumflýjanlegt væri að breyta umspilinu um sæti í Olísdeild karla þannig að sigurlið umspilsins í Grill 66-deildinni leiki um keppnisrétt í deildinni við það lið sem hafnar í næst neðsta sæti Olísdeildar.
Nýliðarnir falla oftast
Umræðan í þættinum spratt upp úr þeirri staðreynd að á síðustu árum hafa nýliðar Olísdeildarinnar nánast undantekningarlítið fallið um vorið eftir, staldrað aðeins við í eitt ár. Nýliðar deildarinnar að þessu sinni, HK og Víkingur, féllu síðast úr Olísdeildinni vorið 2022 eftir eins árs veru.
„Ef við ætlum ekki að fara umspilsleiðina sem við höfum talað fyrir þá verðum við að fara í tíu liða Olísdeild,“ sagði Theodór Ingi.
Fjörugar umræður sköpuðust um þetta í nýjasta þætti Handkastsins eftir um 62 mínútur.
Handkastið – upphitunarþáttur part 1 – frá austri til vesturs er finna hér fyrir neðan.
