„Það á að fara selja áskrift frá og með 1. nóvember. Ég hef alveg sagt mína skoðuna og hef rætt við menn innan HSÍ að ég hef miklar áhyggjur að þeir ætli að byrja rukka fyrir þetta 1. nóvember. Ég tel þá ekki hafa vöru í höndunum sem þeir geta selt frá og með 1.nóvember. Ég veit að það var ákveðið í sumar að þeir ætluðu að hafa fyrstu tvo mánuðina frítt en ég ætla gefa mér það að þeir hafi haldið að þetta væri á betri stað eftir tvo mánuði. Ég biðla til þeirra sem eru að stjórna hjá HSÍ að hugsa aðeins og gefa þessu mánuð í viðbót frítt.“
Þessi orð lét Arnar Daði Arnarsson, sérfræðingurinn, falla í nýjasta hlaðvarpsþætti Handkastsins en talsverðar umræður sköpuðust í þættinum um útsendingar frá leikjum í Olís- og Grill 66-deildum karla og kvenna.
Óhætt er að segja að á ýmsu hafi gengið fyrstu vikurnar og ljóst að ennþá eru fyrir hendi vankantar sem ekki hefur verið lokið við að sníða af. Talsverðu púðri var varið í umræður í þættinum og einnig var talsverð umræða um sama mál á Facebook-síðu Björgvins Þórs Rúnarssonar í vikunni.
Umræðan um útsendingarnar hefst eftir 23,20 mínútur í nýjasta þætti Handkastsins.
