„Við töluðum við menn sem geta talist kanónur í íslenskum handbolta. Staðreyndin er bara sú að maður er ekki tekinn alvarlega fyrr en einhver einn bítur á agnið. Þeir sem við ræddum við gengu aldrei svo langt að spyrja hvað við hefðum að bjóða. Það er ekki eins og við höfum ekki reynt,” segir Daníel Berg Grétarsson í samtali við Handkastið, nýjast þáttinn, sem kom út í gærkvöld.
Daníel Berg svaraði þar gangrýni um HK hafi ekki gert nóg til að styrka liðið fyrir átökin sem framundan eru.
HK er nýliði í Olísdeildinni í þriðja sinn á fimm árum. Ríkja efasemdir hjá stjórnendum Handkastsins að styrkur nýliðanna sé nægur til þess að halda sæti sínu í deildinni í vor þegar reikningarnar verða gerðir upp.
Viðtalið við Daníel Berg hefst eftir rétt rúmlega 17 mínútur.
Að því loknu tekur við umræða um HK og síðan fleiri lið deildarinnar í síðari upphitunarþætti Handkastsins sem hægt að nálgast hér fyrir neðan. Að vanda er ekkert skafið utan af hlutunum í Handkastinu.
