- Auglýsing -
- Auglýsing -
- Auglýsing -

Haukar fóru illa með Eyjamenn

Ljósmynd/Hafliði Breiðfjörð
- Auglýsing -

Haukar hófu keppni á nýju ári í Olísdeild karla með því að leika sér að Íslandsmeisturum ÍBV í viðureign liðanna á Ásvöllum í dag. Þeir gerðu út um leikinn strax í fyrri hálfleik með frábærum varnarleik og markvörslu Arons Rafns Eðvarðssonar. Haukar voru 11 mörkum yfir eftir fyrri hálfleik, 21:10, og héldu sjó í síðari hálfleik, lokatölur á Ásvöllum 36:25.

Staða liðanna í deildinni er óbreytt eftir leikinn. Haukar sitja í sjötta sæti með 14 stig eftir 14 leiki. ÍBV er í fjórða sæti með stigin sín 17, tveimur stigum á eftir Aftureldingu sem lagði Fram á fimmtudaginn. Fram er á milli ÍBV og Hauka.

Eftir þrautargöngu fyrir áramót virðist sem Ásgeir Örn Hallgrímsson og hans menn í liði Hauka hafa nýtt síðustu sex vikur afar vel. Allt annað og betra Haukalið sást á vellinum að þessu sinni. Varnarleikurinn var afar góður og þar af leiðandi markvarslan einnig. Um leið skiluðu hraðaupphlaupin sér var grunnurinn að góðu forskot í fyrri hálfleik.

Mestur varð munurinn 15 mörk og það oftar en einu sinni. Ellefu leikmenn Hauka skoruðu í leiknum.

Eftir að hafa verið slegnir út af laginu í fyrri hálfleik þá náðu leikmenn ÍBV sér lítt á strik í þeim síðari. Elmar Erlingsson var þeirra bestur með níu mörk og sex sköpuð færi.

Staðan og næstu leikir í Olísdeildum.

Mörk Hauka: Brynjólfur Snær Brynjólfsson 8, Adam Haukur Baumruk 5, Össur Haraldsson 5, Guðmundur Bragi Ástþórsson 5/1, Geir Guðmundsson 3, Ólafur Ægir Ólafsson 3, Tjörvi Þorgeirsson 2, Guðmundur Hólmar Helgason 2, Þráinn Orri Jónsson 1, Kristófer Máni Jónasson 1.
Varin skot: Aron Rafn Eðvarðsson 14, 46,7% – Magnús Gunnar Karlsson 1, 10%.
Mörk ÍBV: Elmar Erlingsson 9/6, Gabríel Martinez Róbertsson 3, Arnór Viðarsson 3, Sigtryggur Daði Rúnarsson 2, Daniel Esteves Vieira 2, Sveinn Jose Rivera 2, Gauti Gunnarsson 1, Andrés Marel Sigurðsson 1, Andri Erlingsson 1, Kári Kristján Kristjánsson 1.
Varin skot: Petar Jokanovic 7, 21,2% – Pavel Miskevich 1, 9,1%.

Tölfræði leiksins hjá HBStatz.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -