Haukar unnu þriðja leik sinn í röð í Olísdeild karla í handknattleik þegar þeir sóttu tvö stig í greipar Gróttumanna í Hertzhöllinni á Seltjarnarnesi, 28:24. Með sigrinum fóru Haukar upp í fimmta sæti deildarinnar, stigi framar en Fram sem á að vísu einn leik til góða. Grótta er í áttunda sæti með 11 stig.
Staðan var jöfn að loknum fyrri hálfleik í Hertzhöllinni í kvöld, 12:12. Framan af síðari hálfleik voru Gróttmenn heldur með frumkvæðið í spennandi leik. Eftir að Guðmundur Bragi Ástþórsson kom Haukum yfir, 21:20, ellefu mínútum fyrir leikslok, litu Haukar ekki oftar um öxl. Þeir bættu við forystu sína og Gróttumenn höfðu ekki svör á reiðum höndum og urðu þar af leiðandi að játa sig sigraða.
Þráinn Orri Jónsson leikmaður Hauka fékk rautt spjald eftir 15 mínútur á sínum gamla heimavelli. Hann sá þar með sæng sína uppreidda.
Staðan og næstu leikir í Olísdeildum.
Mörk Gróttu: Ágúst Ingi Óskarsson 5, Kári Kvaran 4, Andri Fannar Elísson 3, Hannes Grimm 3, Jón Ómar Gíslason 3/2, Lúðvík Thorberg Arnkelsson 2, Gunnar Dan Hlynsson 2, Ágúst Emil Grétarsson 1, Ari Pétur Eiríksson 1.
Varin skot: Einar Baldvin Baldvinsson 11, 28,2%.
Mörk Hauka: Geir Guðmundsson 5, Össur Haraldsson 5, Tjörvi Þorgeirsson 5, Guðmundur Bragi Ástþórsson 5/1, Adam Haukur Baumruk 3, Guðmundur Hólmar Helgason 1, Kristinn Pétursson 1, Sigurður Snær Sigurjónsson 1, Þráinn Orri Jónsson 1, Úlfur Gunnar Kjartansson 1.
Varin skot: Aron Rafn Eðvarðsson 14/1, 37,8%.
Öll tölfræði leiksins hjá HBStatatz.
