- Auglýsing -
- Auglýsing -

Haukur er í úrvalsliði Meistaradeildar Evrópu

Haukur Þrastarson í hörðum slag í leik í Meistaradeildinni. Mynd/EPA
- Auglýsing -

Selfyssingurinn Haukur Þrastarson er í úrvalsliði átta leikmanna í 9. umferð Meistaradeildar Evrópu í handknattleik. Handknattleikssamband Evrópu, EHF, velur í úrvalslið eftir hverja umferð keppninnar. Þetta er í fyrsta sinn sem Haukur er á meðal þeirra bestu. Valið undirstrikar á hversu góðum batavegi hann er eftir að hafa slitið krossband fyrir ári.


Haukur fór á kostum með pólska meistaraliðinu Industria Kielce á fimmtudagskvöldið í 10 marka sigri liðsins á heimavelli gegn Eurofarm Pelister, meistaraliði Norður Makedóníu, 35:25. Haukur skoraði sjö mörk í sjö skotum.

Kielce er í þriðja sæti A-riðils Meistaradeildarinnar að loknum níu umferðum með 12 stig eins og danska liðið Aalborg. Þýsku meistararnir THW Kiel sitja á toppnum með 13 stig.

Haukur og félagar sækja ungverska liðið Pick Szeged heim í 10. umferð Meistaradeildar á miðvikudagskvöld.

Úrvalslið 9. umferðar Meistaradeildar Evrópu í karlaflokki.

Meistaradeild Evrópu: Haukur, Janus Daði og Ómar Ingi atkvæðamiklir

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -