- Auglýsing -
Haukur Þrastarson varð fyrir því ólani að meiðast undir lok fyrri hálfleiks í viðureign Vive Kielce og Porto í Meistaradeildar Evrópu í kvöld. Hann kom ekkert við sögu í leiknum eftir það.
Eftir því sem handbolti.is kemst næst þá tognaði Haukur á ökkla. Óvíst er ennþá hversu alvarleg meiðslin eru eða hvort hann verður frá keppni um lengri eða skemmri tíma.
Haukur hafði skoraði eitt mark og staðið sig afar vel þegar hann varð að fara af leikvellinum.
Vive Kielce vann leikinn, 39:33. Sigvaldi Björn Guðjónsson fór á kostum í leiknum, skoraði níu mörk í 10 skotum eins og kom fram fyrr í kvöld á handbolta.is.
- Auglýsing -
