Eftir að hafa farið frábærlega af stað í haust og í byrjun vetrar þá hefur Söndru Erlingsdóttur og samherjum í EH Aalborg fatast aðeins flugið í síðustu leikjum. Í kvöld töpuðu þær fyrir Bjerrringbro með 10 marka mun 33:23, á útivelli eftir að hafa verið þremur mörkum undir að loknum fyrri hálfleik, 15:12.
Þetta var þriðja tap EH Aalborg í síðustu fimm leikjum eftir að keppni hófst á ný að loknu hléi sem gert var vegna hertra sóttvarna í nóvembermánuði. EH Aalborg er engu að síður í öðru sæti en baráttan um efsta sætið sem gefur farseðil upp í úrvalsdeildina er hörð.
Sandra skoraði þrjú mörk í kvöld, þar af eitt úr vítakasti.
Staðan í deildinni:
Hadsten 18(12), EH Aalborg 18(13), Ringköbing 17(10), SönderjyskE 16(12), Bjerringbro 16(12), Ringsted 15(11), DHG 10(10), Roskilde 9(9), Rödovre 7(11), Gudme Hk 5(12), AGF 1(10), Lyngby 0(10).
