Hefur tekið fram skóna

Hin þrautreynda handknattleikskona Anna Úrsúla Guðmundsdóttir hefur tekið fram handboltaskóna á nýjan leik og leikur með Val í dag gegn ÍBV í Olísdeild kvenna í Origohöllinni í 10. umferð.

Anna Úrsúla, sem er ein leikreyndasta og sigursælasta handknattleikskona landsins, rífaði seglin á síðasta vori og sagðist vera hætt. Allar ákvarðanir er hægt að endurskoða og það hefur hún svo sannarlega gert.

Eftir því sem næst verður komist hefur Anna Úrsúla æft með Valsliðinu síðustu vikur og virðist ætla að taka slaginn með Hlíðarendaliðinu út leiktíðina enda veitir því ekki af aukinni reynslu. Að minnsta kosti var Anna með Valsliðinu í dag gegn ÍBV strax frá fyrstu mínútu.