Fram vann HK, 33:28, í Kórnum í kvöld og tryggði sér þar með sæti í átta liða úrslitum Coca Cola-bikars karla í handknattleik hvar Framarar mæta ÍR í Austurbergi á mánudaginn.
Fram var mest með 11 marka forskot fram í síðari hálfleik. HK-liðið hressstist um stund og náði að minnka muninn í fimm mörk, 27:22, og átti þá þess kost að koma muninum niður í fjögur mörk. Það tókst ekki.
Frammistaða HK lengst af leiksins var vonbrigði, ekki síst í fyrri hálfleik þegar leikmenn liðsins voru engan vegin með á nótunum. Voru þeir fyrir vikið 11 mörkum undir í hálfleik, 21:10.
Vilhelm Poulsen og Kristófer Dagur Sigurðsson með 8 mörk hvor.
Sigurður Jefferson Guarino var markahæstur hjá HK með átta mörk einnig.
Nánari upplýsingar um markahæstu menn og varin skot birtast á handbolta.is síðar í kvöld.
Fylgst var með leiknum í stöðuuppfærslu hér fyrir neðan.
